Maqtal Imam Husen
Maqtal Imam Husen
Anggitan: Kang Jalal
Nu teu mirosea
Perlaya na putu Gusti
Al-Husen Abu Abdillah
Ku "Ferdi Rosman Feizal" keur KUSnet
Anggitan: Kang Jalal
- Imam Husen imam kaum mustadafin, Ngocorkeun getihna, Ngajait nasib nu leutik, Ngabela umat tunggara
- Tara sepi pamingpin anu munafik, Ngabobodo rakyat, Majar Islam nu diaping, Padahal mangeran dunya
- Yazid nyebut maneh Amirul Muminin, Raja nagri Islam, Bari solat bari haji, Kalakuwan euwah-euwah
- Rayat ceurik balilihan ting jarerit, Hartana dirampas, Jasmanina dinyenyeri, Jaba batin digerihan
- Imam Husen sumegruk bari lumengis, Di makam eyangna, Bari ngeprikkeun kasedih, Ngemutan umat nu lara
- Islam nu hak kalandih ku Islam batil, Imam ditebihan, Nu ngagem Islam nu asli, Dicempad majarkeun murtad
- Imam Ali nu nyangking wasiat Nabi, Pahlawan khaibar, Kakasih Rabbul Izzati, Dilanat di mimbar-mimbar
- Di Karbala poek mongkleng sepi jempling, Panon poe sirna, Murubut hujan ti langit, Hujan getih jeung cimata
- Di Karbala ngababatang raga suci, Putrana Fatimah, Deudeuh teuing putu Nabi, Ditandasa ku umatna
- Mastaka nu sok diambung Kangjeng Nabi, Kiwari papisahTi jasad kakasih Gusti, Ditancebkeun dina tumbak
- Di Karbala ngagolontor getih suci, Ti para syuhada, Anu tigin kana jangji, Bumela ka Imam Jaman
- Kumaha rek kenging syafaat Jeng Nabi, Umat nu hianat, Ngiclik nuturkeun si iblis, Bahula ka Rasulullah
Nu teu mirosea
Perlaya na putu Gusti
Al-Husen Abu Abdillah
Ku "Ferdi Rosman Feizal"
0 Comments:
Post a Comment
<< Home